کابل

د  مرغومي ٢٦مه، ١٣٨٨ ، پژواک خبري اژانس

  ښځو چارو  ته  نومول شوې وزيرې  پلوشه حسن ،  ولسي جرګې څخه   باور رايه ترلاسه نشوه  کړى.

 د ولسي جرګې په نننۍ غونډه کې ددغې جرګې   ( ٢٢٤ ) غړي حاضر وو، چې له دې ډلې ( ٥٦   )  موافقې او (  ١٥٠  )  مخالفې رايې وکارول شوې .

همدارنګه په نننۍ رايه اچونه  کې ښځو چارو وزارت ته   نومول شوې  وزيرې  ته  (  ١٥ ) رايې سپينې ،  ( ٣ ) رايه باطله  استعمال  شوه.. 

د قانون له مخې، نومول شوى وزير بايد د ولسي جرګې د حاضرو غړو له نيمايي څخه زياتې ( ٥٠+١ ) موافقې رايې ترلاسه کړي  .

نو په دې  حساب هغه نومول شوى وزير بريالى ګڼل کېږي چې لږ تر لږه ( ١١٣ ) رايې ترلاسه کړي .

ولسي جرګې د ولسمشر حامد کرزي د  نوې کابينې غړو ته د روانې مياشتې په ١٢مه، رايه ورکونه پيل کړه .

  په هغه ورځ جرګې له ٢٤ نومول شويو وزيرانو څخه يواځې ٧ تنو ته باور رايه ورکړه او نور يې رد کړل .

 د رد شويو غړو پر ځاى نوې څېرې د روانې مياشتې په ١٩مه، د ولسمشر دوهم مرستيال کريم خليلي لخوا ولسي جرګې ته معرفي شوې .